Áhöfnin á Húna

Áhöfnin á Húna.

Í næstu viku leggur eikarbáturinn Húni II upp í siglingu hringinn í kringum landið. Um er að ræða samstarfsverkefni Húna II, Slysavarnarfélagsins Landsbjargar og Rúv. Áhöfnin á Húna er vel skipuð  tónlistarfólkinu Jónasi Sig, Láru Rúnars, Mugison, Ómari Guðjónssyni, Guðna Finnssyni og Arnari Gíslasyni sem ætla að halda 16 tónleika í sjávarbyggðum landsins. Fyrstu tónleikarnir verða á Húsavík 3. júlí og þeir síðustu á Akureyri 20. júlí. 

Rúv hefur ákveðið að fylgja siglingunni eftir með sjónvarps- og útvarpsþáttagerð og framleiddir verða 9 sjónvarpsþættir þar sem fylgst verður með ævintýrum áhafnarinnar auk útvarpsþátta á Rás 2. Einnig verða þrjár beinar útsendingar frá Reyðarfirði, Stykkishólmi og Akureyri. Fyrsti sjónvarpsþátturinn fer í loftið á annað kvöld kl. 19.45.

Húna II þekkja allir Akureyringar en hann er 50 ára gamall eikarbátur sem smíðaður var í skipasmíðastöð KEA. 

Siglingaleið Húna II og dagskrá má sjá á ruv.is.