Ratleikir og fleira skemmtilegt á aðventunni

Aðventuævintýri verður með óhefðbundnu sniði þetta árið vegna samkomutakmarkanna en þótt skipulagðir viðburðir séu ekki á hverju strái þá eru ýmsar leiðir færar til að gera sér dagamun.

Á vef bæjarins má finna tillögur að afþreyingu fyrir fjölskylduna og á viðburðadagatali bæjarins má skoða þá viðburði sem eru í boði.

Þessu til viðbótar bryddar Akureyrarstofa upp á ýmsum nýjungum á aðventunni í samstarfi við stofnanir og fyrirtæki í bænum. Má þar nefna ratleiki fyrir alla fjölskylduna, bæjarbúa og gesti bæjarins, sem hægt er að taka þátt í þrátt fyrir samkomubann og nálægðarmörk.

Fyrsti leikurinn hentar fjölskyldum með ung börn, frekar léttur leikur sem felst í því að finna hluti í miðbænum sem eru á blaðinu og krossa við.

Þegar búið er að leysa leikinn bjóða þrjú kaffihús í miðbænum (Kaffihús Pennans, Sykurverk og Bláa kannan) upp á 2 fyrir 1 af kakó fyrir börn yngri en 12 ára sem taka þátt í leiknum með fjölskyldu sinni.

Þið prentið út skjalið sem hér má finna og framvísið því til að geta fengið tilboðið.