60 ára og eldri velkomin í bogfimi

Bogfimiæfingar í Kaldbaksgötu hafa gengið vel undanfarnar vikur en milli tíu og 12 einstaklingar hafa verið að mæta reglulega.

Sumir þeirra hafa náð býsna góðum tökum á íþróttinni eftir aðeins rúman mánuð af æfingum.

Æfingarnar hófust í janúar og fara fram á mánudögum kl. 11:00 í Kaldbaksgötu 2, undir stjórn Íþróttafélagsins Akurs fyrir verkefnið Virk efri ár. Öll 60 ára og eldri eru velkomnir til að mæta og prófa.