Niðurstaða bæjarstjórnar Akureyrarkaupstaðar - Deiliskipulag Brekkuskóla og nágrennis

Bæjarstjórn Akureyrarkaupstaðar hefur þann 5. febrúar 2013 samþykkt nýtt deiliskipulag fyrir Brekkuskóla og nágrenni.

Deiliskipulagið er heildarendurskoðun eldra skipulags. Helstu breytingar varða aðkomu og umferð gangandi og akandi vegfarenda.

Tillagan var auglýst frá 12. september til 24. október 2012. 32 athugasemdir bárust. Bæjarstjórn hefur afgreitt þær og sent þeim sem gerðu athugasemdir umsögn sína. Athugasemdir gáfu tilefni til breytinga á tillöguninni hvað varðar m.a. þrengingar á akstursleiðum og gönguhlið til að hægja á umferð þar sem göngustígar og akstursleiðir krossast.

Skipulagstillagan hefur verið send Skipulagsstofnun sem sér um lokaafgreiðslu erindisins.

Þeir sem óska nánari upplýsinga um tillöguna og niðurstöðu bæjarstjórnar, geta snúið sér til skipulagsdeildar, Akureyrarkaupstaðar, Geislagötu 9, 3. hæð.

13. febrúar 2013

Skipulagsstjóri Akureyrarkaupstaðar