Brekkuskóli og nágrenni – Tillaga að deiliskipulagi

Bæjarstjórn Akureyrarkaupstaðar auglýsir hér með skv. 1. mgr. 41. gr. skipulagslaga nr. 123/2010, tillögu að deiliskipulagi. Um er að ræða heildarendurskoðun og verður eldra deiliskipulag fellt úr gildi.

Skipulagssvæðið afmarkast af Þórunnarstræti að vestan, Þingvallastræti og Kaupvangsstræti að norðan, Eyrarlandsvegi að austan og Skólastíg og Hrafnagilsstræti að sunnan. Tillagan gerir m.a. ráð fyrir breyttum aksturstengingum innan svæðisins og viðbyggingarmöguleikum við húsin.

Tillöguuppdráttur ásamt greinargerð mun liggja frammi í þjónustuanddyri Akureyrarkaupstaðar, Geislagötu 9, 1. hæð, frá 12. september til 24. október 2012, svo að þeir sem þess óska geti kynnt sér tillöguna og gert við hana athugasemdir. Einnig eru öll skipulagsgögn aðgengileg hér fyrir neðan:

Deiliskipulagsuppdráttur

Greinargerð

Frestur til að gera athugasemdir við tillöguna rennur út kl. 16:00 miðvikudaginn 24. október og skal athugasemdum skilað skriflega til skipulagsdeildar Akureyrarkaupstaðar, Geislagötu 9, 3. hæð eða með tölvupósti (skipulagsdeild@akureyri.is) þar sem nafn, kennitala og heimilisfang sendanda kemur fram.  Hver sá sem ekki gerir athugasemdir við tillöguna innan þessa frests telst vera henni samþykkur.

                                                  12. september 2012
                                                  Skipulagsstjóri Akureyrarkaupstaðar