Þursaholt 5-7-9 - fyrirspurn varðandi skipulagsmál

Málsnúmer 2025020160

Vakta málsnúmer

Skipulagsráð - 439. fundur - 12.02.2025

Erindi dagsett 4. febrúar 2025 þar sem Ásdís Helga Ágústsdóttir fh. SS Byggis sækir um að fá að reisa glerskála, B3,7xL4,6xH2,5, á þaksvölum efstu hæðar Þursaholts 5-7-9.
Í upphafi þessa dagskrárliðar vakti Jón Hjaltason óflokksbundinn á því athygli að hann teldi sig vanhæfan að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir skipulagsráð og var það samþykkt.

Jón Hjaltason óflokksbundinn vék af fundi undir þessum lið.


Að mati skipulagsráðs er um svo óverulegt frávik að ræða að ekki er talin þörf á breytingu á deiliskipulagi með vísan í ákvæði 3. mgr. 43. gr. skipulagslaga nr. 123/2010. Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.