Krókeyrarnöf 12, 14 og 21 - fyrirspurn vegna ófrágenginna lóða

Akureyrarbær tók þá afstöðu eftir hrun haustið 2008 að ganga ekki eftir almennum skilmálum um framkvæmdahraða við byggingarframkvæmdir. Eingöngu var og hefur verið horft til atriða er varða öryggi fólks.

Nú er liðinn nokkur tími frá hruni og fasteignamarkaðurinn virðist vera að jafna sig.

Því telur skipulagsnefnd ástæðu til að aflétta þeim afsláttum sem ákveðnir voru og felur skipulagsstjóra og formanni nefndarinnar að knýja á um að byggingu húsa verði nú fram haldið í samræmi við almenna byggingarskilmála þó þannig að gefnir verði eðlilegir frestir til þess miðað við stöðu byggingarframkvæmda húsanna.

Varðandi spurningu bréfritara um skildu lóðarhafa vegna sameiginlegrar aðkomu að lóðum húsanna þá er það skilda þeirra að ná samkomulagi sín á milli um frágang aðkomunnar og skipta kostnaði við það jafnt. Akureyrarbær tekur ekki þátt í þeim kostnaði.