Yfirlit frétta

Brynja Dís Hafdal Alexdóttir úr Lundarskóla hreppti 1. sætið í Upphátt, upplestrarkeppni grunnskólanna á Akureyri, sem var haldin fimmtudaginn 7. mars sl. Keppnin var haldin í Hömrum í Menningarhúsinu Hofi og var þetta í 23. skiptið sem hún fer fram.

Í gær fór svifryksmengun yfir sólarhringsheilsuverndarmörk í loftgæðamælistöðinni við Strandgötu en sólarhringsmeðaltal var 60 µg/m³. Búast má við að ástandið verði með svipuðu móti í dag og trúlega á morgun líka. Akureyrarbær og Vegagerðin rykbinda helstu umferðargötur til að bregðast við ástandinu. Einnig hefur verið unnið að hreinsun gatna síðustu dægrin til að sporna við svifryksmengun.

Aðstæður til útiveru og skíðaiðkunar í Hlíðarfjalli voru með allra besta móti í febrúar. Skíðasvæðið var opið 26 daga af 29 með nægum snjó og veðrið oft og tíðum með allra besta móti.

Akureyrarbær auglýsir eftir tilboðum í ræstingar fyrir Glerárskóla. Áætlaður samningstími er tvö skólaár frá 17. ágúst 2024 til 10. júní 2026, með möguleika á framlengingu um 2 skólaár til viðbótar (til 10. júní 2028).

Ásthildur Sturludóttir bæjarstjóri heimsótti Hrísey á miðvikudag í fallegu vetrarveðri. Tilgangur heimsóknarinnar var að skoða sig um og ræða við íbúa eyjarinnar.

Umhverfis- og mannvirkjasvið Akureyrarbæjar óskar eftir tilboðum í utanhússmálun og múrviðgerðir

Í gær var undirritað samkomulag milli meirihluta stofnaðila Iðnaðarsafnsins á Akureyri, sem eru Akureyrarbær, Eining-Iðja og Byggiðn - félag byggingamanna, um að fela Minjasafninu á Akureyri að annast rekstur Iðnaðarsafnsins næstu þrjú árin. Samkvæmt samkomulaginu gerir Akureyrarbær þjónustusamning við Minjasafnið um verkefnið og var sá samningur undirritaður við sama tækifæri.

Gleði og kátína var ríkjandi í Móa þegar ljósmyndari Akureyri.is lagði þangað leið sína í gærmorgun en Mói er deild fyrir elstu börn leikskólans Krógabóls og er í Síðuskóla. Þar stunda nú nám 24 kátir krakkar sem langflestir halda áfram námi sínu í 1. bekk Síðuskóla næsta vetur.