Fréttir

Svuntur og kokkabækur - Tvær vinkonur sýna hér skemmtilegt safn af sögulegum svuntum og merkilegum kokkabókum sem þær hafa sankað að sér í gegnum árin.

Í gær var nýr vefur, gegnir.is í leitir.is opnaður á slóðinni http://leitir.is/Gegnir. Einnig er hægt að komast á vefinn með því að slá inn http://gegnir.is upp á gamla mátann. Nýi vefurinn er gerður í sama umhverfi og leitir.is en hann hefur eigið útlit og á honum er aðeins leitað í safnkosti Gegnis.

Brunasandur í Vestur-Skaftafellssýslu er lítið byggðarlag sem varð til í kjölfar Skaftáreldanna 1783-84. Eldurinn eyddi og brenndi en þarna breytti hann landsháttum til muna þannig að þar sem áður flæmdist jökulvatn um eyðisanda varð lífvænlegt umhverfi í skjóli hraundyngjunnar og sérstæð byggð varð til.

Brunasandur í Vestur-Skaftafellssýslu er lítið byggðarlag sem varð til í kjölfar Skaftáreldanna 1783-84. Eldurinn eyddi og brenndi en þarna breytti hann landsháttum til muna þannig að þar sem áður flæmdist jökulvatn um eyðisanda varð lífvænlegt umhverfi í skjóli hraundyngjunnar og sérstæð byggð varð til. Níu fræðimenn á sviði sagnfræði, þjóðfræði, fornleifafræði, líffræði og jarðfræði tóku sig saman um að kafa í sögu og samtíma hinnar ungu sveitar og gera ýtarlegar rannsóknir á mótun lands og samfélags. Árangurinn er óvenjulegt rit, fagurlega úr garði gert, sem vekur áhuga og vísar leiðina í umhyggju og nálgun við landið okkar. Hiklaust má segja að þarna séu farnar nýjar leiðir í rannsóknum á íslenskrar byggðasögu

Í febrúar fögnum við fjölbreytileikanum og tileinkum mánuðinn hinum ýmsu tungumálum sem töluð er á Akureyri – Við sýnum þýðingar á sögu Andra Snæs Magnasonar af bláa hnettinunum en sagan hefur komið út í yfir 30 tungmál. Mismunandi útgáfur á ólíkum tungumálum sýna vel þann skemmtilega mun sem er á málum okkar og letri

Í febrúar er þemað; Endurnýting… Með því að breyta og bæta má gefa gömlum hlutum nýtt líf! Hér í eina tíð þótti endrvinnsla og endurnýting sjálfasagt mál. Engu var hent, timbur skafið, brúsar skolaðir, stoppað í sokka og saumað upp úr gömlum flíkum. Nú er öldin önnur og bara keypt nýtt ef eitthvað bilar... Hér er úrval bóka sem hvetja til endurnýtingar og til þess að virkja ímyndunaraflið þegar kemur að endurbótum eða endurvinnslu.

Við hefjum árið með glæsilegum bókamarkaði! Gamalt og nýtt og gersemar í bland - Opið 10:00-19:00!

Amtsbókasafnið á Akureyri óskar að ráða bókavörð í 100% starf frá og með 1. mars 2015. Unnið er til skiptis frá 8:00-16:00 og frá hádegi til kl. 19:00. Á veturna er fjórði hver laugardagur frá 10:30-16:15 hluti af vinnutímanum.