Fréttir

Samspilastund í hádeginu á fimmtudag í tengslum við Vöku, þjóðlistahátið - Komdu að spila og syngja með listamönnum Vöku eða bara hlýða á og fá þér góðan hádegisverð. Amtsbókasafnið, kl. 12:30 - 13:30

Á sýningunni ENDURBÓKUN má sjá brot af verkum úr smiðju ARKA, hópi ellefu listakvenna sem stunda bókverkagerð. Öll verk á sýningunni eiga það sameiginlegt að vera unnin úr gömlum bókum. Flestar þeirra voru fengnar hjá bókasöfnum, en bókasöfn afskrifa árlega nokkurn fjölda bóka til frekari útlána. Þessar gömlu bækur, sem lokið hafa hlutverki sínu, hafa öðlast nýtt líf í einstæðum listaverkum.

Akureyri - bærinn minn. Lestrarhvetjandi námskeið fyrir börn í 3. og 4. bekk í samstarfi Amtsbókasafnsins og Minjasafnsins á Akureyri

Starfsmenn Amtsbókasafnsins á Akureyri ætla að viða að sér enn meiri fróðleik á svokölluðum fræðslumorgni starfsfólks safnsins. Hann verður haldinn föstudagsmorguninn 27. maí og verður safnið þar af leiðandi ekki opið fyrir útlán fyrr en kl. 13:00.

Fimmtudaginn 12. maí var síðasta sögustundin hjá okkur fyrir sumarfrí. Þetta var einnig síðasta sögustundin sem Herdís Anna, barnabókavörður sá um hérna hjá okkur en hún er því miður að hætta hjá okkur.

Með hækkandi sól skerðist afgreiðslutíminn hjá okkur örlítið. Aðalbreytingin eins og fyrri ár er sú að lokað verður á laugardögum.

Rauði krossinn og Amtsbókasafnið slá upp fatamarkaði í maí - Vortíska fyrri ára seld á vægu verði - 1000 kr fyrir 1000 gr af fötum!

Þann 8. apríl næstkomandi fagnar Ferðafélag Akureyrar 80 ára afmæli. Sama dag kl. 17.00 verður opnuð með viðhöfn sýning í anddyri Amtbókasafnsins með gömlum munum, skjölum og myndum úr sögu félagsins. Sýningin mun standa uppi í safninu allan aprílmánuð og gefst þá kærkomið tækifæri til að kynna sér þetta gamla og rótgróna félag og starfsemi þess. Þá verða haldnir þrír fyrirlestrar í kaffiteríu Amtbókasafnins í apríl um einstaka þættir í sögu félagsins. Munu allir fyrirlestrarnir hefjast kl. 20:00 og gefst þá í leiðinni tækifæri til að skoða afmælissýninguna og spjalla saman um gamla daga.