Gegnir.is í nýjum búningi
Í gær var nýr vefur, gegnir.is í leitir.is opnaður á slóðinni http://leitir.is/Gegnir. Einnig er hægt að komast á vefinn með því að slá inn http://gegnir.is upp á gamla mátann.
Nýi vefurinn er gerður í sama umhverfi og leitir.is en hann hefur eigið útlit og á honum er aðeins leitað í safnkosti Gegnis.
Með því að smella á „Leit í leitir.is“ hnapp ofarlega á síðunni getur notandi fært sig yfir á leitir.is og leitað samtímis í þeim fjölbreytta safnkosti sem þar er fyrir hendi. Vilji notandi fara aftur inn á gegnir.is síðuna getur hann gert það með því að smella á hnappinn „Leit í Gegni“. Græni liturinn verður áfram auðkennislitur leitir.is safnagáttarinnar en gegnir.is er auðkenndur með bláum lit, þetta er gert til auðvelda notendum að átta sig á hvar þeir eru staðsettir. Sjá nánar í meðfylgjandi vefupptöku.
Nýtt vefumsjónarkerfi gegnir.is er nútímalegt og byggir á tæknimöguleikum dagsins í dag. Þar eru sömu fjölbreyttu leitar- og umsýslumöguleikar í boði og á leitir.is. Hnappurinn „Millisafnalán“ opnar nýtt form þar sem hægt er að panta efni sem ekki finnst á leitir.is.
Undir „Velja safn“ er sú nýjung að þegar notendur leita í ákveðnu safni birtast aðeins eintök þess safns. Sjá nánar í meðfylgjandi vefupptöku.
Við teljum að hér sé um mikið framfaraskref að ræða fyrir viðskiptavini bókasafna sem og aðra sem vefinn nota. Breytingin mun jafnframt auðvelda okkur að fylgja eftir tækniþróun nú og í framtíðinni.
Bendi ykkur á að skoða eftirfarandi leiðbeiningar:
- Almennt um vefin og virkni hans í vefupptöku.
- Nokkur góð leitartrix á vefnum, sjá leiðbeiningar.
- Breytingum á „Velja safn“ er lýst í vefupptöku og leiðbeiningum.
- Millisafnalán þegar efni finnst ekki á leitir.is, sjá vefupptöku.
- Uppsetning leitarglugga á vefsíðum safna, sjá leiðbeiningar.
Við bendum einnig á hnappinn „Leiðbeiningar“ neðst á gegnir.is/leitir.is.
