Landsbankinn mun greiða út orlof vegna yfirvinnu þann 12. maí og verður það lagt inn á launareikninga. Hafi launareikningur breyst síðasta árið er launþegum bent á að koma þeim upplýsingum til Landsbankans svo orlofsgreiðslur skili sér á réttan reikning.

Fimmtudagskvöldið 8. maí býður INTERSPORT starfsfólki Akureyrarbæjar á afsláttarkvöld frá kl. 19-21.30. Veittur verður 25% afsláttur af öllum vörum.

Lokað verður hjá starfsmannaþjónustunni 28. og 29. apríl vegna útborgunar. Miðvikudaginn 30. apríl verður opið eins og venjulega frá kl. 9:00 -16:00.

Í byrjun árs 2012 skipaði þáverandi mennta- og menningarmálaráðherra starfshóp til að setja fram aðgerðaráætlun í því skyni að fjölga þeim sem sækja um leikskólakennaranám og stuðla þannig að nauðsynlegri nýliðun meðal leikskólakennara. Starfshópurinn skilaði af sér skýrslu um aðgerðir til eflingar leikskólastigsins. Í kjölfar skýrslunnar var ákveðið að fara af stað með kynningarátak til að kynna starfið í leikskólanum og námsleiðir fyrir leikskólastarfsfólk.

Lokað verður hjá Starfsmannaþjónustunni föstudaginn 11. apríl vegna breytinga. Mánudaginn 14. apríl verður opið eins og venjulega frá kl 9:00-16:00.

Byrjað er að taka við umsóknum í Vinnuskólann og er umsóknarfrestur til og með 2. maí 2014.

Við innleiðingu á Vinnustund hefur verið farið yfir verkferla og vinnulag við launavinnslu. Eitt af því sem hefur verið endurskoðað eru yfirvinnutímabil til launa. Ákveðið hefur verið að breyta tímabilinu og hafa eitt launatímabil vegna mældra launategunda (yfirvinna, álag, etc.) en ekki með skiptingu í tvö tímabil fyrir og eftir mánaðarmót (eins og hefur verið fram að þessu).

Villa læddist inn í fréttina sem send var út í gær. Frestur til að skila umsóknum um TV einingar til embættismanna rennur út 15. apríl nk. en ekki 15. maí eins og kom fram í gær.