Fréttir

Alla jafna leggjast múmínálfarnir í dvala þegar vetur gengur í garð og vakna aftur þegar geislar vorsólarinnar ná að skína yfir Einmanafjöll og verma Múmíndalinn. En, eitt sinn vaknaði Múmínsnáðinn af værum blundi er skammt var liðið á vetur og uppgötvaði að dalurinn hans var fullur af lífi. Múmínkanna vetrarins er einmitt tileinkuð Vetrarundrum í Múmíndal og fæst hér hjá okkur :-)

Við Amtsbókasafnið á Akureyri er starfandi notendaráð. Það er skipað sex einstaklingum af báðum kynjum og á ýmsum aldri sem allir eiga það sameiginlegt að hafa áhuga á starfsemi bókasafnsins.

Ertu ungskáld á Akureyri á aldrinum 16-25 ára? Taktu þá þátt í samkeppni um besta ritaða textann s.s. ljóð, sögur, leikrit og svo framvegis. Þrenn verðlaun í boði fyrir mestu snilldina! Síðasti skiladagur er föstudagurinn 1. nóvember.

Í dag, 17. október hefst landsleikur í lestri, Allir lesa!. Þátttakendur skrá lestur sinn í lestrardagbók á vefnum allirlesa.is og taka þátt í leiknum með því að vera í liði eða liðum. Viðskiptavinir Amtsbókasafnsins eru hvattir til þess að ganga til liðs við Amtsbókasafnið á vefnum allirlesa.is. Amtsbókasafnið á Akureyri verður með ýmislegt í boði í tilefni lestrarlandsleiksins:

Í október er þemað; Íslendingar - Íslendingar eru af öllum stærðum og gerðum og líklega eins misjafnir og þeir eru margir. Hér er samsafn bóka um fólkið, lífið og tilveruna á Íslandi fyrr og nú. Hér eru menn og málefni í ýmsu samhengi, ástir, örlög, afrek, strit og glens, svo eitthvað sé nefnt. Endilega lesið og fræðist um fólkið í landinu!

Hafnir eru staðir sem hlaðnir eru orku og bera vitni um ýmsar tæknilegar og efnahagslegar breytingar í gegnum aldirnar. Gamlar hafnarborgir bjóða upp á margs konar byggingarlag með króka og skúmaskot sem fela í sér leynda fegurð. Í niðurnýddri vörugeymslu eða á gamalli bryggju uppgötvar ljósmyndarinn óvænt, friðsæl og töfrandi myndefni.

Nú er sögustundin aftur komin í gang og er sem fyrr alltaf á fimmtudögum kl. 16:15 - Í september lesum við úr nýjum barnabókum og höfum gaman saman :-)