Fréttir

Úrslit í ritlistarsamkeppninn Ungskáld verða tilkynnt á Amtsbókasafnið á Akureyri þann 30. nóvember kl. 17:00. Dómnefndin, Arnar Már Arngrímsson, Birna Pétursdóttir, og Kött Grá Pje, stígur á stokk og kynnir þrjú bestu verkin. - Tónlistaratriði og léttar veitingar og þið eruð öll hjartanlega velkomin!

Ása Marin, höfundur skálduðu ferðasögunnar Vegur vindsins buen camino, mun vera með kynningu á Jakobsveginum nk. fimmtudag kl. 12:15. - Súper súputilboð frá Kaffi Ilmi í hádeginu - 750 kr fyrir súpu og brauð!

Norrænn spiladagur á Amtsbókasafninu á Akureyri 19. nóvember 2016. Áhugafólk um spil og leiki ætti að finna eitt og annað við sitt hæfi á Amtsbókasafninu á Akureyri laugardaginn 19. nóvember næstkomandi milli klukkan 12:00 og 16:00. Góður vinur safnsins mun koma með leikjatölvur af nokkrum gerðum og leyfa fólki að prófa sitt lítið af hverju úr leikjaheiminum til viðbótar við X-box tölvuna sem fyrir er á safninu.

Í nóvember mun Héraðsskjalasafnið minnast þess að 100 ár eru frá því að Kristján Einarssonar frá Djúpalæk fæddist. Dregnar verða upp margvíslegar myndir af skáldinu sem ,,ólst upp við fátækt á afskekkri strönd“; sá broslegu hliðina á lífinu og sagði ,,Lífið er kvikmynd, leikin af stjörnum“; kynnti okkur fyrir honum Þórði sem elskaði þilför; sagði okkur frá henni Pílu pínu og talaði við hrafninn og spurði ,,Hvort ertu svartur fugl eða fljúgandi myrkur?“

Amtsbókasafnið á Akureyri óskar eftir rekstraraðila að veitingasölu á safninu. Veitingasalan er á fyrstu hæð safnsins, nálægt inngangi og anddyri og er með virkt veitingaleyfi. Veitingasalinn hefur aðgang að eldhúsi og aðstöðu fyrir gesti, en hún er samnýtt með bókasafninu, sem notar hana fyrir netkaffi, dagblöð og tímarit sem og ýmsa viðburði og fyrirlestra.

Því miður er kynbundinn launamunur enn til staðar á Íslandi. Því munu þær frábæru konur sem starfa á Amtsbókasafninu leggja niður störf í mótmælaskyni klukkan 14:38 í dag 24. október. Karlarnir ætla að standa vaktina til klukkan 16:00 en þá neyðumst við til að loka safninu.

Kæra viðskiptavinir Nú gerum við tilraun með póstlista fyrir okkur og ykkur. Skráning á póstlistann er einföld – Skráið netfangið í ramman hér til hægri og smellið áfram – Til að byrja með verður póstlistinn notaður fyrir léttar fréttir af starfsemi okkar en ef áhugi er fyrir hendi má vel sjá fyrir sér sérhæfða lista þar sem fólk fær upplýsingar um tiltekið efni. Prófið endilega🙂