Fréttir

Föstudaginn 24. ágúst kl. 12:00 mun Þórarinn Hannesson flytja frumsamin lög við ljóð eftir norðlensk skáld. Má þar nefna ljóð eftir Davíð Stefánsson, Ólöfu frá Hlöðum, Hjört Pálsson, Jón frá Ljárskógum, Sverrir Pál Erlendsson, Láru Stefánsdóttur og fleiri.

Þriðjudaginn 21. ágúst kl. 17:00 mun Lubo Siska fjalla um hin ýmsu lönd sem hann hefur ferðast til.

Þann 24. og 25. ágúst verður hljóð- og myndverkinu Coco Vin varpað á glugga Amtsbókasafnsins. Verkið verður sýnilegt eftir að skyggja tekur.

ARTMONEY NORD opnar sýningu á Amtsbókasafninu föstudaginn 10. ágúst kl. 15:00. Fjölskyldusmiðja í framhaldinu.

Þriðjudaginn 14. ágúst kl. 17:00 mun Sonali Bajaj, sem búsett hefur verið hér á Akureyri um skeið, kynna heimaland sitt Indland.

Þriðjudaginn 7. ágúst kl. 17:00 mun Alexandra Zaglewski kynna heimaslóðir sínar eyjuna La Réunion, sem er sannkallaður suðupottur menningar!

Þriðjudaginn 31. júlí kl. 17:00 mun Adriana Delahante Matienzo tala um heimaland sitt Kúbu og þá sérstaklega um hefðbundna kúbverska dansa.

Ég held ég geti fullyrt að við höfum ekki gert vísindalega könnun á því hér á Amtsbókasafninu, um það hvort veður og þá hvernig veður ráði aðsókn á safnið. Eðlilega getur slæm stórhríð dregið úr áhuga fólks í að koma á safnið, en svo höfum við líka upplifað það að fólk lætur safnið vera á góðviðrisdögum. Við viljum öll nýta góða veðrið . . . og við vitum jú að besta veðrið er alltaf hér, er það ekki? :-)