Fréttir

Samkvæmt „reglugerð um takmörkun á samkomum vegna farsóttar“ frá heilbrigðismálaráðuneytinu, sem tekur gildi 23. desember 2021 og gildir til og með 12. janúar 2022, þá má segja að litlar breytingar verði á starfsemi Amtsbókasafnsins. Stærsta breytingin er sú að 1m reglan breytist í 2m regluna. Einnig verður 50 manna hámark.

Nú er einungis vika í jólin og við finnum öll spennuna og gleðina magnast. Amtsbókasafnið verður opið eins og venjulega í næstu viku, fyrir utan lokun á aðfangadag og jóladag. En til að átta sig betur á þessu þá fylgir hér yfirlit yfir afgreiðslutíma Amtsbókasafnsins um jól og áramót.

Pakkaðu inn jólagjöfum á umhverfisvænan máta á Amtsbókasafninu í desember. Við höfum nú breytt sýningaraðstöðu Amtsbókasafnsins í umhverfisvæna innpökkunarstöð sem gestum og gangandi er velkomið að nota.

Þarftu að prenta eitthvað út en prentarinn heima er bilaður? Þarftu að láta skanna eitthvað og senda með netpósti? Þá er Amtsbókasafnið staðurinn fyrir þig, því við bjóðum m.a. upp á þessa þjónustu.

Úrslit í ritlistakeppni Ungskálda 2021 voru kynnt í Amtsbókasafninu á Akureyri í gær. Fyrstu verðlaun hlaut Þorsteinn Jakob Klemenzson fyrir „Vá hvað ég hata þriðjudaga!" Í öðru sæti var Halldór Birgir Eydal með „Ég vil ekki kaupa ný jakkaföt" og Þorbjörg Þóroddsdóttir hreppti þriðja sætið fyrir verk sitt „Mandarínur". Alls bárust 52 verk frá 29 þátttakendum í keppnina að þessu sinni.

Miðvikudaginn 15. desember nk., kl. 17:00, mun Guðríður Baldvinsdóttir koma til okkar (inni í barnadeild) og lesa upp úr nýrri bók sinni: Drengurinn sem dó úr leiðindum.

Í þessari sögustund lesum við bókina um Kertasníki. Einnig ætlar jólasveinninn að kíkja í heimsókn til okkar með eitthvað gott í pokanum sínum. Krakkar! Þið megið endilega koma með jólasveinahúfu.

Í gær (1. desember) var tilkynnt um hvaða 15 bækur hefðu verið tilnefndar til Íslensku bókmenntaverðlaunanna fyrir árið 2021. Fimm bækur eru tilnefndar í þremur flokkum og af þessum fimmtán eru þrettán komnar í útlán hjá okkur.