Fréttir

Kæru safngestir og síðuelskendur! Það er föstudagur og þrautin er í léttara lagi. Hún felst í því að finna nýja sumarbollann okkar á myndinni úr búðinni okkar litlu.

Nýtt bókasafnskerfi er að taka við hjá almenningsbókasöfnum landsins í byrjun júní, þ.m.t. Amtsbókasafninu á Akureyri. Eðlilega hefur svona stór breyting einhver áhrif og til að byrja með minnumst við á þau helstu hér:

Námskeiðið er fyrir krakka fædda 2012 og 2013. Undirstaða námskeiðsins er lestur í víðum skilningi. Við byrjum alla daga á yndislestri. Síðan munum við bralla ýmislegt eins og að heimsækja Listasafnið og Minjasafnið, föndra, skrifa, spila, teikna, leika og fleira.

Kæru lesendur. Í næstu viku munum við tilkynna smá breytingar hér hjá okkur á bókasafninu en núna ætlum við að skemmta okkur aðeins og þið ætlið að leysa þraut! Fimm hópar af mismunandi fólki en í hverjum þeirra er einn aðili sem á alls ekki heima þar. Finnið þá aðila sem ekki eiga heima í þeim hópum og þá hafið þið leyst þrautina!

Sýning Barnabókaseturs opnaði á Amtsbókasafninu 3. maí 2022. Á sýningunni er hægt að taka mynd af sér með sína uppáhalds barnabók (#bestilestur), skoða gamlar barnabækur, fræðast um lestrargönguna og týndu bækurnar, fá bókamerki og margt fleira.

Það er við hæfi á þessum degi að minna á allt Stjörnustríðs-tengda efnið sem Amtsbókasafnið hefur til útláns. Við erum að tala um teiknimyndasögur, kvikmyndir, borðspil o.fl. Svo er þetta líka gott tækifæri á að minna lesendur síðunnar á að hér má finna um 3000 titla á mynddiskaformi sem hægt er að fá lánaða heim ... endurgjaldslaust!

Lóan er komin að kveða burt snjóinn, að kveða burt leiðindin, það getur hún. Hún hefur sagt mér, að senn komi spóinn, sólskin í dali og blómstur í tún. Hún hefir sagt mér til syndanna minna, ég sofi of mikið og vinni ekki hót. Hún hefir sagt mér að vaka og vinna og vonglaður taka nú sumrinu mót.

Eins og flestir safngestir hafa tekið eftir, þá hefur auglýsingaskjár verið staðsettur á vegg við hlið ljósritunarvélarinnar á móti innganginum. Þarna hefur ýmislegt í starfsemi Amtsbókasafnsins verið auglýst og gestir stundum staldrað við og horft á.