Fréttasafn

Í 3. tbl. 2016 (76. árg.) tímaritsins Sveitarstjórnarmál rita Halldór S. Guðmundsson framkvæmdastjóri Öldrunarheimila Akureyrar og Kristinn Már Torfason forstöðumaður Þrastarlundar og sambýlis að Jörvabyggð hjá búsetudeild og varaforseti Alþjóðasamtaka þjónandi leiðsagnar, grein um áherslur þjónandi leiðsagnar og alþjóðlega ráðstefnu sem haldin verður á Akureyri 13. til 15. september 2016.

Öldrunarheimili Akureyrarbæjar (ÖA) auglýsa nú sérstaklega eftir karlmönnum til umönnunarstarfa. Markmið ÖA er að leiðrétta ójafnt kynjahlutfall starfsmanna á ÖA en karlkyns starfsmenn eru þar í miklum minnihluta.

Vinnuskólanemar gerðu sér glaðan dag í Kjarnaskógi 7. júlí síðastliðinn. Það var ýmislegt brallað í skóginum fagra. Þar var keppt í strandblaki, stígvélasparki, kubb og þrautaboðhlaupum.

Samþykkt hefur verið að flýta útborgun um næstu mánaðarmót. Ef farið væri eftir ákvæðum kjarasamninga eins og venjulega yrðu laun starfsmanna Akureyrarbæjar greidd þriðjudaginn 2. ágúst næstkomandi. Að þessu sinni verða laun greidd fyrir verslunarmannahelgi þ.e. föstudaginn 29. júlí næstkomandi.