Fréttasafn

Akureyrarbær auglýsir eftir umsóknum um TV einingar vegna verkefna og hæfni. Umsækjendur eru hvattir til að kynna sér reglurnar vel og nota núgildandi form fyrir umsóknir og umsagnir. Í kjarasamningum Sambands íslenskra sveitarfélaga við aðildarfélög BHM, Félag íslenskra hjúkrunarfræðinga og KÍ vegna Félags leikskólakennara er ákvæði um að heimilt sé að greiða launaviðbætur á sérstökum forsendum (svokölluð TV laun) vegna verkefna og hæfni annarsvegar og vegna markaðs- og samkeppnisaðstæðna hinsvegar.

Í starfsmannahandbók Akureyrarbæjar er að finna tilboðssíðu þar sem safnað er saman ýmsum tilboðum og afsláttum til starfsmanna. Þar má t.a.m. finna tilboð í eldsneyti, málningu, tölvur, líkamsrækt, sund og ýmislegt fleira. Starfsfólk er hvatt til að kynna sér tilboðin með því að smella á: TILBOÐ OG AFSLÆTTIR í starfsmannahandbókinni.

Eftir uppfærslu á Vinnustund í síðustu viku hefur aðeins borið á því að notendur kerfisins hafa ekki geta notað fyrri "shortcut" til að komast inn í kerfið. Ef sú er raunin er bent á að nota hnappa í Stjórnendahandbók eða Starfsmannahandbók til að komast inn í kerfið. Slóðin inn í kerfið er enn sú sama og áður.

Anthony M. McCrovitz, PhD., LMHC, BCPC. er háskólakennari og framkvæmdastjóri Globe Star í Indiana og starfar innan Gentle Teaching samtakanna sem sálfræðingur og fræðimaður. Hugmyndafræðin Þjónandi leiðsögn var þróuð á níunda áratugnum af John McGee í Bandaríkjunum. Í Þjónandi leiðsögn byggja öll samskipti á virðingu og umhyggju og að skapa traust á milli einstaklinga og eru refsingar, líkamlegar eða andlegar aldrei notaðar til að ná fram breytingum.

Skattkort voru lögð af um áramótin. Breytingin felur í sér að í staðinn fyrir skattkortið kemur rafrænn persónuafsláttur og þurfa launþegar að fylgjast með ráðstöfun hans inni á vef ríkisskattstjóra. Það er á ábyrgð launþega að miðla upplýsingum um nýtingu persónuafsláttar til launagreiðanda.