Fréttasafn

Málverkið, Bókahillan eftir Grétu Berg er nú til sýnis á Amtsbókasafninu - „Tilurð þeirrar myndar er ég sýni hér er tilviljunarkennd. Ég var stödd hjá vinkonu og var að horfa fjarrænt á bókaskápinn hennar þar sem bækur voru í röð og einnig lagðar lárétt frá sér í stafla. Þá sá ég þessa mynd út úr staflanum...“

Nú hefur verið sett upp sýning með skjölum, munum og myndum frá 100 ára afmæli Akureyrarkaustaðar árið 1962. Sýningin var áður sett upp árið 2008 en í tilefni 150 ára afmælisárs er hún nú að hluta til sett upp aftur og mun hún standa í tvær vikur eða til og með 1. júní.

Sumarafgreiðslutíminn tók gildi miðvikudaginn 16. maí. Eina breytingin er sem fyrr sú að á sumrin er safnið ekki opið á laugardögum. - Sjáumst eldhress í sumar!

Amtsbókasafnið og Minjasafnið eru með lestrarhvetjandi sumarnámskeið fyrir börn úr 3. og 4. bekk. Fullbókað er í tvö fyrstu námskeiðin en laust er í þriðja námskeiðið sem hefst 25. júní. Allar nánari upplýsingar veita Herdís - herdisf@akureyri.is og Sirrý - sirry@minjasafnid.is

Það á að skipta um glerið á austurhlið Amtsbókasafnsins, gömlu byggingunni í sumar. Þessi andlitslyfting hefur í för með sér ýmsar tilfæringar og einhverjar breytingar verða á staðsetningu bóka og gagna. Við biðjumst velvirðingar á umstanginu næstu vikurnar og hvetjum ykkur endilega til að leita aðstoðar og í sameiningu finnum við réttu hillurnar!

Amtsbókasafnið og Minjasafnið auglýsa lestrarhvetjandi sumarnámskeið fyrir börn úr 3. og 4. bekk. Við lesum, lærum um bæinn okkar og sögu hans og höfum að sjálfsögðu gaman saman:-) Allir hjartanlega velkomnir!

Viltu fræðast um fuglastaði og fuglaskoðun á Akureyri? Þá skaltu mæta á Amtsbókasafnið, miðvikudaginn 16. maí kl. 17:15, en þá verður Sverrir Thorstensen með spjall um fugla og segir frá helstu fuglaskoðunarstöðum á Akureyri. Allir hjartanlega velkomnir!

Uppskeruhátíð leik- og grunnskóla á Akureyri verður haldin 7. -21. maí. Af því tilefni hafa krakkarnir á Krógabóli sett upp sýningu á verkum sínum hér á Amtsbókasafninu. Litrík og falleg sýning sem sækir innblástur í nokkrar sígildar barnabækur.

Amtsbókasafnið vekur athygli á tónlist og tónlistarbókum. Í tilefni dagsins er boðið upp á ókeypis útlán á tónlistardiskum, sem og dans- og söngvamyndum. Opið frá 11:00-16:00 - Allir velkomnir!

Ragnheiður Þórarinsdóttir fjallar um sögu Norræna félagsins og norrænnar samvinnu.Fyrirlesturinn er fyrstur í röð slíkra sem Norræna Upplýsingaskrifstofan stendur fyrir og haldnir verða hér á Amtsbókasafninu. Allir velkomnir!