Fréttasafn

Með hækkandi sól skerðist afgreiðslutíminn hjá okkur örlítið. Aðalbreytingin eins og fyrri ár er sú að lokað verður á laugardögum. Afgreiðslutími Amtsbókasafnsins á Akureyri frá 16. maí - 15. september er því svona: Mánudagar: 10:00-19:00 Þriðjudagar: 10:00-19:00 Miðvikudagar: 10:00-19:00 Fimmtudagar: 10:00-19:00 Föstudagar: 10:00-19:00 Lokað laugardaga og sunnudaga Við hlökkum til að sjá ykkur hress og kát á Amtsbókasafninu í sumar!

Mánudaginn 19. maí verður tölvukerfið Gegnir sem við notum til að skrá útlán óvirkt vegna uppfærslu á hugbúnaði. Uppfærslan stendur yfir fram á fimmtudagsmorgunn. Á meðan á þessu stendur verður ekki hægt að fá lánaðar bækur sem verið er að skila, en að öðru leyti reynum við að láta gesti okkar verða sem minnst vara við þessa vinnu. En fátt er svo með öllu illt að ekki boði nokkuð gott - Vegna uppfærslunnar á bókasafnskerfinu okkar verður hægt að fá DVD-myndir lánaðar sem ekki þarf að skila fyrr en 23. maí :-)

Leikfélag Akureyrar ætlar að sýna okkur leikritið Skemmtilegt er myrkrið innblásturinn er fenginn úr hinum ýmsu þjóð- og draugasögum. Sagan segir af Jóni smala sem í leit sinni að týndu fé lendir í klóm tröllkvenna nokkurra sem fanga hann í helli sínum. Ingibjörg Huld Haraldsdóttir leikstýrir, Helga Mjöll Oddsdóttir sér um leikmynd og búninga, Þóroddur Ingvarsson hannar hljóð og ljós. Í starfsnámi frá leikhúsinu Baggårdteatret í Svendborg er David Enghuus tæknimaður og sér hann um tæknilegar hliðar sýningarinnar. Leikarar eru: Aðalbjörg Árnadóttir, Hannes Óli Ágústsson og Hilmir Jensson.

Teiknimyndasögur eru listform sem felst í því að segja sögu í myndum sem raðað er upp í ákveðna röð. Öll þekkjum við Andrés önd en teiknimyndasögur eru mun fremur bókmenntagrein sem ætluð er fullorðnum lesendum og löng hefð fyrir útgáfu þeirra í Evrópu og Bandaríkjunum. Hér á Amtsbókasafninu er rekin öflug teiknimyndasögudeild með áherslu á fjölbreyttar teiknimyndasögur frá ýmsum heimshornum.

Gamlar bækur fá nýtt og skemmtilegt hlutverk. Sölusýning á fallegum bókaskrínum sem unnin eru af Ingu Völu Birgisdóttur.

Vinsamlegast athugið að Amtsbókasafnið verður lokað milli klukkan 10:00 og 13:00 fimmtudaginn 8. maí vegna námskeiðs starfsfólks. Safnið opnar aftur klukkan 13:00 Við bendum á að hægt verður að skila í sjálfsafgreiðsluvélum milli klukkan 10:00 og 13:00

Amtsbókasafnið tekur þátt í Eyfirska safnadeginum, 3. maí 2014. Í Hofi eru ásamt öðru, fallega innbundnar bækur sem dæmi um það handverk sem best tengist bókum og bókasöfnum. Á Amtsbókasafninu opnar sýningin Bókaskrín – gamlar bækur með nýtt hlutverk. Þar sýnir Inga Vala Birgisdóttir Bókaskrín sem hún hefur unnið úr gömlum bókum og gætt þær nýju lífi. Bókaskrínin eru til sýnis og sölu alla maímánuð.