Fréttasafn

Í mars opnum við sýninguna Ljóðaþvottur. Sýningin er hluti af pólsk-íslenska ljóðaverkefninu ORT. Sýningin er í formi ljóðarka, veggspjalda sem brjóta má saman og sundur. Ljóðarkirnar virka því í raun bæði sem ljóðabækur og ljóðmyndir.

Við bjóðum fjölnota sýningaraðstöðu sem hentar fyrir myndlist, tónlist og viðburði af ýmsu tagi. Allir geta haldið sýningu á bókasafninu, endurgjaldslaust! Listafólk á öllum aldri, með skemmtilegar hugmyndir á erindi til okkar og við gerum okkar besta í að finna góða lausn á uppsetningu.

Ania Litvintseva, grafískur hönnuður frá Rússlandi er nú með sýningu á Amtsbókasafninu á Akureyri. Hér sýnir hún teikingar og önnur verk sem hún hefur unnið hér á Akureyri. Sýningin er opin á afgreiðslutíma safnsins og stendur út febrúar.

Kvikmyndadeild Amtsbókasafnsins státar af einu fjölbreyttasta úrvali mynddiska safna og leiga á landinu. - Meiriháttar úrval mynddiska frá tugum landa . . . Í kringum 3500 mynddiskar ... margfaldað með meðallengd ... hmm, já ... það tæki þig um 270 daga að horfa á allt efnið frá okkur. - Best að byrja strax í gær!