Fréttasafn

Icelandair hótel Akureyri og Amtsbókasafnið á Akureyri bjóða Akureyringum að hlusta á upplestur á Aðventu eftir Gunnar Gunnarsson. Þessi einstaka og töfrandi saga verður lesin þann 10. desember kl.16.00. Um lesturinn sér Vilhjálmur Bergmann Bragason leikskáld. Boðið verður uppá kakó og smákökur. Allir hjartanlega velkomnir!

Amtsbókasafnið á Akureyri fékk í dag eftirfarandi skilaboð : Til hamingju! Liðið þitt, Amtsbókasafnið - Allir, bar sigur úr býtum í Opnum flokki, 10-29 í Allir lesa – landsleik í lestri. Við óskum ykkur innilega til hamingju með þennan glæsilega árangur og þökkum kærlega fyrir þátttökuna. Viðskiptavinir okkar eru greinilega að standa sig í lestrinum Við þökkum öllum sem tóku þátt alveg innilega fyrir og óskum liðinu okkar til hamingju með árangurinn!

Steinunn Sigurðardóttir kemur og kynnir nýja skáldsögu sína föstudaginn 14. nóvember kl. 12:00 - GÆÐAKONUR - María Hólm Magnadóttir, alþjóðlega virtur eldfjallafræðingur, er söguhetja í Gæðakonum, skáldsögu Steinunnar Sigurðardóttur sem Bjartur gefur út.

Þín eigin þjóðsaga er öðruvísi en allar aðrar bækur – hér ert þú söguhetjan og ræður ferðinni. Sögusviðið er heimur íslensku þjóðsagnanna og hætturnar leynast við hvert fótmál. Þú getur rekist á Djáknann á Myrká, séð stórhættulegar íslenskar hafmeyjur, glímt við sjálfan Lagarfljótsorminn og bjargað Karlssyni og Búkollu frá hræðilegustu tröllum sem sést hafa hér á landi! Ævar Þór mætir í sögustund á fimmtudaginn og kynnir þessa skemmtilegu bók!

Landsleikurinn ALLIR LESA fer fram í fyrsta sinn 17. október til 16. nóvember 2014 og lýkur honum því á degi íslenskrar tungu. Þetta er einfaldur leikur sem allir geta tekið þátt í en hann felst í því að þátttakendur skrá lestur sinn í lestrardagbók á vefnum allirlesa.is og taka þátt í liðakeppni sem er í svipuðum dúr og t.d. Hjólað í vinnuna. Þau lið sem verja mestum tíma í lestur á keppnistímanum standa uppi sem sigurvegarar.

Í nóvember er þemað; Börn og lestur - Börn elska bækur – Þau vita fátt betra en að hlusta á sögu og blaða í bókum með fallegum myndum og spennandi texta. Það er aldrei of snemmt að byrja að lesa fyrir börn og líklega er aldrei og seint að hætta því. Við erum öll þyrst í sögur og erum alltaf tilbúin að leggja eyrun við ef einhver les upp eða segir frá. Lesum saman - Það er gaman :-)

Dagskrá í tilefni af norrænu bókasafnavikunni í samstarfi Amtsbókasafnsins og Norræna félagsins á Akureyri · Ungmenni segja „tröllasögur“ af norrænu samstarfi · Tröllaspjall í boði Valdimars Gunnarssonar · Samnorrænn upplestur · Tröllslegur félagsskapur Allir hjartanlega velkomnir!