Fréttasafn

Nú hefur vetrartíminn tekið í gildi hjá okkur. Það þýðir einfaldlega að nú er opið eins og venjulega kl. 10:00-19:00 á virkum dögum en að auki er opið kl. 11:00-16:00 á laugardögum. Velkomin!

Föstudaginn 13. september kl. 13:13 opnar ÁLKA - áhugaljósmyndaraklúbbur Akureyrar, ljósmyndasýninguna Fólk á Amtsbókasafninu. Sýningin verður opin á opnunartíma safnsins til 31. október.

Við hvetjum alla krakka sem tóku þátt í Skoppaðu á bókasafnið að koma og hafa gaman saman!

Bókasafnsdaguirnn 2013 er haldinn hátíðlegur í dag, 9. september. Tilgangur dagsins er að vekja athygli á mikilvægi bókasafna fyrir þjóðfélagið. Bókasöfn gegna mikilvægu hlutverki sem miðstöð fræðslu og þekkingar, fyrir framboð á tónlistar- og myndlistarefni, yndislestri og afþreyingu, fyrir aðstoð við upplýsingaöflun og gagnaleit. Bókasöfn eru auk þess samkomuhús, menningarmiðstöðvar og góður staður til að vera á.

Alþjóðadagur læsis sunnudaginn 8. september 2013 Lestrarvöfflur kl. 14:00 – 16:00 á Öldrunarheimilum Akureyrar; Hlíð og Lögmannshlíð. Þema dagsins er: Ungir - Aldnir

Af öryggisástæðum eru fyrirhugaðar breytingar á lykilorðum til innskráningar á vefinn. Lykilorðum sem innihalda kennitölu notanda, hluta úr henni eða einfaldar talnarunur á borð við 1234 verður breytt fyrir lok ágúst, nema notandi verði búinn að gera það sjálfur á Mínar síður > Stillingar > Mitt lykilorð á gegnir.is fyrir þann tíma. Hafðu samband við okkur ef þú lendir í vandræðum með innskráningu. Síminn er 460 1250 og netfangið er bokasafn@akureyri.is

Bókamarkaðurinn okkar slær alltaf í gegn - Nú gefst fólki tækifæri til að gera reyfarakaup dagana 2. - 12. september 2013.