Fréttasafn

Laugardag 7. desember kl. 14 verður upplestur á Amtsbókasafninu vegna 16 daga átaksins gegn kynbundnu ofbeldi. Einnig hefst Bréfmaraþon Amnesty kl. 14 á Amtsbókasafninu, Bláu könnunni og Eymundsson. Dagskrána má skoða hérna.

Jólasýning Amtsbókasafnis þetta árið samanstendur af gömlum jólatímaritum, auglýsingum, jólakortum og fl. sem Amtsbókasafnið og Héraðsskjalasafnið eiga í geymslum sínum. Munirnir á sýningunni eru frá því um 1900 til 1960 og gefa innsýn inn í jólaandan á fyrri hluta síðustu aldar.

Það skelfur á Amtsbókasafninu fimmtudaginn 5. desember kl. 16:30 til 17:30. Ragnar Stefánsson jarðskjálftafræðingur kynnir endurminningabók sína.

Fimmtudaginn 28. nóvember kl. 16.30-17.30 á Amtsbókasafninu flytur Gunnar Karlsson erindi um bók sína Ástarsaga Íslendinga að fornu.

Styrktarfélagið Göngum saman safnar peningum og veitir styrki til grunnrannsókna á brjóstakrabbameini. Ein af fjáröflunum á þessum vetri er að prjóna húfur sem heita Fjallkonubrjóst. Nokkrar konur hafa hist tvö kvöld á Kaffi Ilmi og svo eitt kvöld á veitingastaðnum Silvu til þess að prjóna en nú er komið að því að selja húfurnar. Þær mæta á Kaffi Ilm á Amtsbókasafninu, laugardaginn 16. nóvember frá kl. 13:00-15:00 til þess að selja þær. Stutt kynning á félaginu og tónlistaratriði.

Sunnudaginn 17. nóvember kl. 10.00 ætlar Sigrún Magna Þórsteinsdóttir, organisti við Akureyrarkirkju að heimsækja Hof, kynna krílasálma og vera með krílasálma stund fyrir ungabörn í framhaldinu. Sungin verða ýmis lög og farið í leiki og lögð áhersla á söng og hreyfingu. Í samstarfi við Amtsbókasafnið á Akureyri mun Herdís Anna Friðfinnsdóttir, barnabókavörður, vera með sögustund kl. 11.00.

Mánudaginn 11. nóvember 2013 hefst Norræna bókasafnavikan. Þá setjumst við niður og lesum upphátt sama bókmenntatexta á sama tíma á öllum Norðurlöndunum. Vikan er sneisafull af upplestrum, sýningum og umræðum á menningardagskrám á þúsundum bókasafna, skóla og annarra samkomustaða á öllum Norðurlöndunum og í Eystrasaltsríkjunum. Hér á Amtsbókasafninu verður einnig hugguleg dagskrá í tali og tónum. Allir velkomnir!

Opnun laugardaginn 2. nóvember kl. 15:00! - Huginn og Muninn / fljúga hverjan dag / jörmungrund yfir. / Óum-k eg Hugin / að hann aftr né komi, / þó sjáum-k eg meir um Munin. Þessi orð Óðins eiga erindi við okkur í dag þegar miðillinn virðist orðinn merkingin. Það er ekki bara minnið sem hverfur þegar við erum á netinu. Sem áminning spretta upp fleyg orð úr skilum munnlegrar og bóklegrar hefðar - í formi flugdreka í bók. Guy Stewart hefur unnið sem leikari, grunnskólakennari og hönnuður. Fæddur og uppalinn í Kanada, hann hefur búið á Íslandi síðan 1994.

Aukaspyrna á Akureyri og Dagbók Kidda klaufa, svakalegur sumarhiti, voru vinsælastar hjá börnunum þetta árið - Hægt var að kjósa til 20. september og einhverjir heppnir þátttakendur eiga eftir að fá glaðning frá okkur :-)

Ertu ungskáld á Akureyri á aldrinum 16-25 ára? Taktu þá þátt í samkeppni um besta ritaða textann s.s. ljóð, sögur, leikrit og svo framvegis. Vinningshafinn fær 50 þúsund krónur í verðlaun. Skilaðu snilldinni á rafrænu formi á netfangið ungskald@akureyri.is ásamt upplýsingum um nafn höfundar. Síðasti skiladagur er föstudagurinn 1. nóvember.