Fréttir

Síðasti sýningardagur laugardaginn 29. ágúst. GARASON verður á staðnum! Gulli Ara er mættur í bæinn og ætlar að vera með sýninguna sína opna í tilefni af menningarvöku milli kl. 13:00 og 17:00.

Amtsbókasafnið verður áfram í samstarfi við skapandi sumarstörf hjá Akureyrarbæ og mun hópur frá þeim birta myndbandsverkið "dóttir, mamma, amma" í gluggum bókasafnsins þegar kvölda tekur laugardaginn 29. ágúst - Sjón er sögu ríkari!

Óhætt er að segja að sýning Guðlaugs Arasonar á Álfabókum hafi slegið í gegn hjá okkur sumarið 2013. Nú hefur GARASON raðað saman enn fleiri Álfabókum og ætlar að hafa þær til sýnis og sölu hér á Amtsbókasafninu í júlí og ágúst. Álfabækurnar heilla bæði stóra og smáa og í þeim má endalaust finna ný og óvænt atriði. Sýningin opnar mánudaginn 6. júlí - Sjón er sögu ríkari!

Ekki er lengur tekið gjald fyrir pantanir og frátektir nema um glænýtt efni sé að ræða! - Af gefnu tilefni viljum við vekja athygli á því að við erum með nýtt fyrirkomulag á pöntunum og frátektum. Nú fá þeir sem panta safnefni þessi skilaboð:

Sumarlesturinn hefur gengið einstaklega vel og börnin á öllum námskeiðunum til fyrirmyndar. Við höfum skoðað hús, götur, skáld, listsköpun og margt fleira og allt hefur þetta verið bæði börnunum og bænum til mikillar gleði. Við þökkum öllum þátttakendum innilega fyrir samveruna og hlökkum til að fá ný og hress börn til okkar næsta sumar :-)

Hér hefur verið opnuð sýningin "Heill þér mæta, merka kona" á vegum Héraðsskjalasafnsins - Falleg sýning og áhugverð þar sem gluggað er í skjöl kvenna í gegnum tíðina - Sýninging stendur út júní og er opin alla virka daga kl. 10:00-19:00

Mikil hátíðarhöld verða á Akureyri og um allt land föstudaginn 19. júní þegar landsmenn fagna 100 ára afmæli kosningaréttar kvenna á Íslandi. Af því tilefni og til að sem flestir geti fagnað því að heil öld verður liðin frá þessum merku tímamótum í sögu þjóðarinnar, hefur bæjarráð Akureyrar samþykkt að öllu starfsfólki bæjarins verði gefið frí frá kl. 12 á afmælisdaginn. Tryggt verður þó að þjónusta er varðar öryggi og grunn– og neyðarþjónustu við íbúa verði veitt. Þetta var samþykkt á fundi bæjarráðs í gær, fimmtudaginn 21. maí. Líklegt má telja að ýmis fyrirtæki í bænum fylgi fordæmi Akureyrarkaupstaðar.

Sumarlestur - Akureyri bærinn minn - Lestrarhvetjandi námskeið fyrir börn í 3. og 4. bekk - Í samstarfi Amtsbókasafnsins og Minjasafnsins á Akureyri - Þema námskeiðsins að þessu sinni er Gamlir leikir, gömul hús.