Upplestur úr 20 nýjum bókum!!! - Unglingar lesa upp úr nýjum bókum á Amtsbókasafninu

Unglingar úr 10. bekk í Síðuskóla munu sækja Amtsbókasafnið á Akureyri heim og lesa upp úr 20 nýjum bókum þann 13. og 14. desember kl. 16.00. Þetta er liður í því að leyfa unglingum að æfa sig að tala fyrir framan annað fólk, efla sjálfstraust þeirra og þjálfa framkomu.

Miðvikudaginn 13. desember kl. 16.00-17.00 verður lesið upp úr eftirfarandi bókum: Viltu vinna milljarð?, Háski og hundakjöt, Land hinna týndu sokka, Ríki gullna drekans, Konungsbók, Fljótandi heimur, Ballaðan um Bubba, Nafnlausir vegir, Heil brú.
Fimmtudaginn 14. desember kl. 16.00-17.00 verður lesið upp úr eftirfarandi bókum: Feimnismál, Frostfiðrildi, Yosoy, Indjáninn, Ég er ekki dramadrottning, Sunnudagsklúbburinn, Englaflug, Undan illgresinu, Fyrir kvölddyrum, Skuggi vindsins, Þrumufleygur.

Einnig mun krakkarnir fjalla örlítið um bækurnar, þannig að hér er um að ræða glæsilega dagskrá hjá nemendunum í Síðuskóla.

Sýnum unglingunum stuðning og mætum á stórskemmtilega upplestra.