Gegnir - athugið!

Hluti af aukinni þjónustu Amtsbókasafnsins er að innleiða nýtt bókasafnskerfi. Starfsmenn safnsins keppast nú við að tengja eintök við stóra grunninn sem Gegnir er, þannig að hægt verði að sjá í gegnum www.gegnir.is hvort viðkomandi titill sé til eða ekki, hversu lengi sé hægt að fá hann lánaðan o.s.frv. Þetta hefur tekið tíma og heldur áfram í nokkra mánuði. En þar sem sjálft bókasafnskerfið er ekki komið í notkun á safninu, þá sýnir listinn sem birtist á netinu ekki hvort viðkomandi titill sé inni eða hvort hann sé í útláni. Þessi hluti kerfisins kemst ekki í fulla notkun fyrr en kerfið sjálft hefur verið innleitt á safninu. Það verður auglýst rækilega. Þangað til biðjum við gesti um að sýna okkur biðlund og athuga með því að hringja í okkur, eða líta við!, hvort viðkomandi bók sé inni eða ekki.