Dagana 9., 14. og 15. arpíl verður haldið starfslokanámskeið sem er ætlað starfsfólki sem senn lýkur störfum vegna aldurs. Dagskráin er afar fjölbreytt en meðal umfjöllunarefna eru lífeyris- og tryggingamál, forvarnir hvað varðar heilsu og andlegar og félagslegar hliðar þess að hætta að vinna. Markmið námskeiðsins er að hjálpa starfsfólki að undirbúa starfslok vegna aldurs, aðlaga sig breyttu lífsmynstri og stuðla að innihaldsríku lífi að starfi loknu. Markhópurinn er starfsfólk eldra en 60 ára og er námskeiðið þátttakendum að kostnaðarlausu.

Á starfsmannahandbók Akureyrarbæjar er að finna tilboðssíðu þar sem safnað er saman ýmsum tilboðum og afsláttum til starfsmanna. Þar má t.a.m. finna tilboð í eldsneyti, málningu, tölvur, líkamsrækt og ýmislegt fleira. Starfsfólk er hvatt til að kynnar sér tilboðin með því að smella á: TILBOÐ OG AFSLÆTTIR á starfsmannahandbókinni.

Sumarið 2014 vann María Guðnadóttir, meistarnemi í lýðheilsuvísindum, að rannsókn á Eden hugmyndafræðinni og hlýleika á ÖA með styrk frá Nýsköpunarsjóði Námsmanna. Verkefnið er eitt fimm öndvegisverkefna sem tilnefnd voru til Nýsköpunarverðlauna forseta Íslands.

Samstarfsnefnd um launaupplýsingar og efnahagsforsendur kjarasamninga hefur gefið út skýrslu um efnahagsumhverfi og launaþróun í aðdraganda kjaraviðræðna. Að nefndinni standa fern samtök launafólks, þ.e. ASÍ, BHM, BSRB og KÍ og af hálfu vinnuveitenda, SA, Samband íslenskra sveitarfélaga og fjármála- og efnahagsráðuneyti. Í skýrslunni koma fram upplýsingar um þróun launa á árunum 2006 til 2014 og ítarleg greining á helstu forsendum kjarasamninga.

Lífshlaupið, heilsu- og hvatningarverkefni ÍSÍ, hófst miðvikudaginn 4. febrúar síðastliðinn. Heilsuráð Akureyrarbæjar hvetur vinnustaði til að skrá sig til leiks. Sá vinnustaður sem nær bestum árangri mun hljóta glæsilegan lífshlaupsbikar Akureyrarbæjar.

Á starfsmannahandbók Akureyrarbæjar er að finna tilboðssíðu þar sem safnað er saman ýmsum tilboðum og afsláttum til starfsmanna. Þar má finna tilboð í líkamsræktarstöðvar, sundlaugar Akureyrar og Hlíðarfjall. Ýmis tilboð vegna bíla s.s. eldsneyti, dekk og skoðun, tilboð hjá Slippfélaginu vegna málningar og tilboð á tölvum hjá Netkerfi og tölvur. Ný tilboð eru m.a. þarna inni sem vert er að skoða.