Stafræna hæfnihjólið – almenn stafræn hæfni er nám sem Starfsmennt bjó til út frá sjálfsmatstækinu Stafræna hæfnihjólinu sem þróað var af danska fyrirtækinu Center for digital dannelse. VR lét þýða matstækið yfir á íslensku og opnaði fyrir aðgang að því á vef í lok árs 2019 og geta allir farið í gegnum sjálfsprófið til að fá mat á stafræna hæfni sína. Starfsmennt fékk styrk frá Þróunarsjóði framhaldsfræðslunnar árið 2019 til að þróa námsefnið og er það opið öllum endurgjaldslaust.

Í tengslum við verkefnið Betri vinnutími í vaktavinnu heldur Fræðslusetrið Starfsmennt utan um fræðslu til að styðja við farsæla innleiðingu breytinganna og mun fræðsluátakið standa yfir frá desember 2020 til júní 2021. ATH! Grunnnámskeið í betri vinnutíma í vaktavinnu eru ætluð öllum sem vinna vaktavinnu en önnur námskeið eru aðeins ætluð þeim sem koma að innleiðingunni svo sem stjórnendum, vaktasmiðum og launafulltrúum hjá ríkisstofnunum, Reykjavíkurborg og öðrum sveitarfélögum. Í næstu viku standa 4 vefnámskeið til boða fyrir vaktavinnufólk og þá sem koma að innleiðingunni: Mánudaginn 8.febrúar: Ferlagreining og umbætur Þriðjudaginn 9.febrúar: 360°sóun Miðvikudaginn 10.febrúar: Stytting vinnuvikunnar - vinnustofa Fimmtudaginn 11.febrúar: Að takast á við breytingar/Að innleiða breytingar Nánari upplýsingar má nálgast hér *Fyrir aðra áhugasama þá er vert að benda á að önnur námskeið hjá Starfsmennt eru aðildarfélögum Starfsmenntar að kostnaðarlausu. Það eru félagsmenn í Kili, Sveitamennt og Sameyki. Sjá nánar hér.

Kynnum rafræn skil á starfsvottorðum í gegnum Þjónustugáttina. Ath. Þessi frétt er einungis til fræðslu starfsmanna Akureyrarbæjar og kynning á Þjónustugáttinni. Núverandi starfsmenn þurfa ekki að skila inn starfsvottorðum.

Svanborg Bobba Guðgeirsdóttir forstöðumaður Plastiðjunnar Bjargs-Iðjulundar sagði okkur frá starfseminni.

Kynnum rafræn skil á menntunargögnum í gegnum Þjónustugáttina. Ath. Þessi frétt er einungis til fræðslu starfsmanna Akureyrarbæjar og kynning á Þjónustugáttinni. Núverandi starfsmenn þurfa ekki að skila inn menntunargögnum.

Um hvað erum við að tala... við erum að tala um Lífshlaupið, sem er vinnustaðakeppni á vegum ÍSÍ og hefur það megin markmið að hvetja landsmenn til þess að hreyfa sig og tileinka sér heilbrigða lífshætti. Lífshlaupið verður ræst miðvikudaginn 3. febrúar og stendur til 23. febrúar.

Á fundi fræðslunefndar þann 13. janúar sl. voru breytingar á námsleyfasjóðum tilkynntar. Þar kom fram að ákveðið hefur verið að leggja námsleyfasjóð embættismanna niður og verða því reglur um sjóðinn felldar úr gildi. Ákvörðun þessi á rót að rekja til stéttarfélagsaðildar embættismanna. Jafnframt kom fram að vegna vísan til COVID-19 og stöðu bæjarsjóðs var ekki veitt framlag til námsleyfasjóðs sérmenntaðs starfsfólks Akureyrarbæjar á fjárhagsáætlun ársins 2021 og verður því ekki úthlutað úr sjóðnum fyrir skólaárið 2021-2022. Fundargerð er hægt að nálgast hér.

Hversu oft hefur þú farið af stað með háleit markmið um aukna hreyfingu á nýju ári, aðeins til þess að gefast upp á þeim nokkrum vikum síðar?