23.01.2012 - 08:55 Lestrar 326

Staðgreiðsla vegna launa frá öðrum launagreiðendum

Í mörgum tilvikum eru starfsmenn Akureyrarbæjar launþegar hjá öðrum launagreiðanda en Akureyrarbæ og þurfa því að passa að tekið sé tillit til þeirra launa við útreikning staðgreiðslu á árinu 2012. Ef starfsmenn kjósa svo er hægt að taka tillit til launa frá öðrum við útreikning launa hjá Akureyrarbæ en að sjálfsögðu geta starfsmenn einnig valið að tilkynna öðrum launagreiðanda um laun hjá Akureyrarbæ.

Ef óskað er eftir að Akureyrarbær taki tillit til launa frá öðrum við útreikning staðgreiðslu launa þarf að senda beiðni þar um, annað hvort skriflega eða í tölvupósti á viðkomandi launafulltrúa.

Í beiðninni þarf að koma fram nafn og kennitala launaþega, frá hvaða tíma og hvaða launafjárhæð Akureyrarbær á að miða við sem laun á mánuði frá öðrum launagreiðanda við útreikning staðgreiðslu launa hjá Akureyrarbæ.

Athugið að hér er átt við meðaltals heildarlaun frá öðrum launagreiðendum að frádregnu 4% framlagi launþega í lífeyrissjóð og að frádregnu allt að 2% framlagi launþega í séreignarlífeyrissjóð ef um það er að ræða.

Staðgreiðsla launa er reiknuð er reiknuð í þremur þrepum og er útreikningur í hverju þrepi er sem hér segir:

37,34% staðgreiðsla af tekjum 0 - 230.000 kr.
40,24% staðgreiðsla af tekjum 230.001 - 704.367 kr.
46,24% staðgreiðsla af tekjum yfir 704.367 kr.

Frá reiknaðri staðgreiðslu dregst síðan persónuafsláttur sem er 46.532 kr. á mánuði árið 2012.

Athugið að ef kemur í ljós við álagningu 2011 vegna tekna ársins 2010 að launþegi hefur vangreitt staðgreiðslu þá er innheimt 2,5% álag við álagningu.

Ef einhverjar spurningar vakna, endilega hafið þá samband við Starfsmannaþjónustu í síma 460 1000 eða björgl@akureyri.is.

Ennig má finna upplýsingar á vef ríkisskattstjóra www.rsk.is.

Til baka

Des Nóv Okt Sep Ágú Júl Jún Maí Apr Mar Feb Jan