Lífshlaupið - staðan

Lífshlaupið hófst 3. febrúar síðastliðin. Um 14.000 þátttakendur eru skráðir og skiptir hver einstaklingur máli fyir vinnustað/skóla. Það er betra að gera eitthvað smá en að gera ekki neitt. Vinnudustaðir Akureyrarbæjar taka margir hverjir þátt í Lífshlaupinu sem er í gangi þessa dagana og birtum við hér stöðuna að morgni 16. febrúar. Leikskólinn Lundarsel sigraði í fyrra eftir harða baráttu við Oddeyrarskóla og Ráhúsið og verður spennandi að sjá hvernig staðan verður í næstu viku þegar lífshlaupið verður flautað af.

Skráningarleikur er í gangi meðan á verkefninu stendur og hafa allir sem eru skráðir til leiks möguleika á því að vera dregnir út. Vinningshafarnir eru tilkynntir í virkum morgnum á Rás2, facebook og heimasíðunni.

Deilið myndum á Instagram og notið #lifshlaupid til að merkja myndirnar. Við minnum á facebook.com/lifshlaupid síðu verkefnisins.

Á heimasíðunni er hægt að deila myndum, frásögnum og myndböndum. Því væri virkilega gaman að heyra frá ykkur og sjá hverning stemmingin er á ykkar vinnustað/skóla.