Starfsmannavefur

Könnun um líðan, heilsu og vinnuviðhorf starfsfólks Akureyrarbæjar

Í dag var send könnun til allra starfsmanna Akureyrarbæjar sem eru í meira en 30% starfshlutfalli. Könnunin var send á netföng starfsmanna en þeir sem hafa ekki netföng fá upplýsingar um það hvernig þeir geta nálgast könnunina á vinnustað sínum. Starfsfólk er eindregið hvatt til þess að svara spurningalistanum og stuðla þannig að bættu starfsumhverfi fyrir okkur öll.

03.02.2010 - 01:20 Lestrar 283

Leiðbeiningar um www.eg.akureyri.is

Á starfsmannahandbókinni má finna leiðbeiningar um hvernig sækja á um lykilorð á starfsmannavefinn www.eg.akureyri.is. Starfsfólk getur m.a. skoðað launaseðla sína á vefnum, fengið upplýsingar um stöðu orlofs og fjölda veikindadaga. Margt fleira er hægt að skoða á vefnum s.s. reikninga sem gefnir eru út af Akureyrarbæ á viðkomandi starfsmann s.s. leikskólagjöld og fasteignagjöld.

02.02.2010 - 02:52 Lestrar 249

Ráðgjafarþjónusta við innflytjendur í febrúar

Í febrúar verður ráðgjafarþjónusta við innflytjendur veitt í Rósenborg, Skólastíg 2 á fimmtudögum milli kl. 13 og 17. Tímapantanir eru í síma 460 1234 og í netfanginu astofan@akureyri.is. Nánari upplýsingar er að finna hér.

02.02.2010 - 02:16 Lestrar 278

Breyting skattmats vegna líkamsræktarstyrkja

Í skattmati 2010 frá Ríkisskattstjóra kemur fram að nú þarf ekki lengur að borga skatt af líkamsræktarstyrk allt að 25 þúsund kr. á ári. Í nýju skattmati segir eftirfarandi:

22.01.2010 - 10:39 Lestrar 292

Bókanir um framkvæmd fjárhagsáætlunar 2010

Bæjarstjórn samþykkti fjárhagsáætlun ársins 2010 á fundi þann 22. desember síðastliðinn. Með áætluninni voru samþykktar bókanir sem lúta að framkvæmd hennar og beint er til deilda og stofnana bæjarins. Bókanirnar eru meðal annars hugsaðar til þess að hvetja stjórnendur til þess að leita allra leiða til áframhaldandi hagræðingar í rekstri.

12.01.2010 - 02:48 Lestrar 275

Staðgreiðsla 2010 - laun frá öðrum vinnuveitanda

Í mörgum tilvikum eru starfsmenn Akureyrarbæjar launþegar hjá öðrum vinnuveitendum en Akureyrarbæ og þurfa því að passa að tekið sé tillit til þeirra launa við útreikning staðgreiðslu á árinu 2010. Ef starfsmenn kjósa svo er hægt að taka tillit til launa frá öðrum vinnuveitanda við útreikning launa hjá Akureyrarbæ en að sjálfsögðu geta starfsmenn einnig valið að tilkynna hinum vinnuveitandanum/-endunum um laun hjá Akureyrarbæ.

07.01.2010 - 10:57 Lestrar 213

Námskeið hjá Símenntun HA

Hjá Símenntun Háskólans á Akureyri hefjast mörg námskeið nú í janúar. Starfsfólk er hvatt til að kynna sér möguleika á símenntun og til að nýta sér niðurgreiðslur á námskeiðskostnaði hjá starfsmenntasjóðum stéttarfélaganna. Hér má finna nánari upplýsingar um námskeið hjá Símenntun HA.

04.01.2010 - 09:22 Lestrar 290

Fyrsta Innanbæjarkrónika ársins 2010

Fyrsta Innanbæjarkrónika ársins 2010 er komin út. Krónikunni er dreift á kaffistofur starfsfólks Akureyrarbæjar auk þess sem hana má nálgast á starfrænu formi hér á starfmannhandbókinni. Innanbæjarkrónikuna má nálgast hér.

04.01.2010 - 08:52 Lestrar 267

Jólakveðja frá bæjarstjóra

Ágæta samstarfsfólk! Ég sendi ykkur og ykkar fólki bestu óskir um gleðilega jólahátíð og farsæld á komandi ári. Þakkir fyrir gott samstarf og vel unnin störf á því ári sem er að líða. Með kærri kveðju, Hermann Jón Tómasson Bæjarstjóri

21.12.2009 - 01:45 Lestrar 451

Diplóma í opinberri stjórnsýslu fyrir núverandi og verðandi stjórnendur í opinberum rekstri (Executive Diploma in Public Administration)

Á vormisseri 2010 hefst við Háskóla Íslands nám fyrir núverandi og verðandi stjórnendur í opinberum rekstri ríkis og sveitarfélaga. Umsóknarfrestur er til og með 5. janúar 2010. Náminu er ætlað að ýta undir forystu um skilvirkni, vandaðri vinnubrögð og betri þjónustu hins opinbera.

18.12.2009 - 14:27 Lestrar 452

Atlandsolía - starfsmannaafsláttur fyrir starfsmenn Akureyrarbæjar

Akureyrarbær hefur gert samning við Atlantsolíu um afsláttarkjör fyrir starfsmenn. Starfsmönnum sem kjósa að kaupa eldsneyti hjá Atlantsolíu býðst nú afsláttur sem hér segir: · 5 kr afsláttur per lítra á valdri stöð. (4 kr+1 kr = 5 kr). · 4 kr afsláttur á öllum öðrum sjálfsafgreiðslustöðvum Atlantsolíu. · Sértilboð á AO stöðvum bætast við boðinn afslátt · Á afmælisdegi dælulyklahafa veitir dælulykilinn 9 kr í afslátt á öllum stöðvum og 10 kr á valdri stöð.

16.12.2009 - 11:03 Lestrar 488