Nú liggja niðurstöður könnunarinnar fyrir og eru birtar hér í samantekt. Skýrslan inniheldur allar helstu niðurstöður könnunarinnar og gefur samanburð við önnur sveitarfélög. Svör starfsmanna Akureyrarbæjar eru sérstaklega borin saman við svör starfsmanna í Kópavogi og Hafnarfirði en þau sveitarfélög eru líkust Akureyri að stærð.

Bæjarstjórinn á Akureyri, Hermann Jón Tómasson, kynnti á föstudag nýja þjónustustefnu fyrir starfsmenn Akureyrarbæjar. Þjónustustefnan var samþykkt í bæjarstjórn Akureyrar í febrúar sl. en meginatriði hennar koma fram í gildunum "fagleg, lipur og traust". Um leið og stefnan var kynnt, voru veitt verðlaun fyrir tákn sem standa fyrir gildin þrjú en efnt var til samkeppni um táknin á meðal starfsfólks bæjarins.

Í dag verður efnt til þjóðarátaks í tengslum við ?Inspired by Iceland?, markaðsátak ferðaþjónustunnar á erlendum mörkuðum. Ætlunin er að virkja íslenskan almenning og fá fólk til þess að vekja jákvæða athygli á Íslandi undir heitinu "Þjóðin býður heim". Átakið minnir á að nú er einmitt  rétti tíminn til að heimsækja landið því það hafi aldrei verið eins lifandi og síbreytilegt.

Niðurstöður starfsmannakönnunar um heilsu, líðan og starfstengd viðhorf starfsfólks hjá Akureyrarbæ liggja nú fyrir. Niðurstöðurnar voru kynntar fyrir stjórnendum á sérstökum fundi Ketilhúsinu 25. maí síðastliðin og þeirra verkefni er að miðla niðurstöðunum áfram til síns starfsfólks.  Hér er sagt frá helstu niðurstöðum en heildarskýrsla verður tilbúin í júní og verður hún þá aðgengileg í starfsmannahandbókinni.

Samkeppni um tákn fyrir gildin þrjú FAGLEG, LIPUR OG TRAUST í þjónustustefnu Akureyrarbæjar framlengist til 30. maí. Senda skal inn eitt tákn fyrir hvert gildi það er eitt fyrir FAGLEG annað fyrir LIPUR og það þriðja fyrir TRAUST eða eitt tákn sem felur öll gildin í sér. Í verðlaun fyrir vinningstáknin eru kvöldverður fyrir tvo á nýja veitingastaðnum í Hofi 1862 - Nordic bistro og árskort fyrir tvo hjá Leikfélagi Akureyrar.

Næsta haust býður Símenntunarmiðstöð Eyjafjarðar upp á félagsliðabrú, háskólastoðir og háskólabrú.

Efnt er til samkeppni um tákn fyrir hvert og eitt gildi þjónustustefnu Akureyrarbæjar en gildin eru fagleg, lipur og traust. Samkeppnin er öllum opin, bæði einstaklingum og hópum. Senda má inn hvers konar myndræna framsetningu (ljósmyndir, teikningar o.s.frv.). Nú er tækifæri til að leyfa hugmyndafluginu að njóta sín!

Starfsmannafréttir Akureyrarbæjar koma nú fyrir sjónir lesenda með ofurlítið breyttu sniði og nýjum áherslum. Meðal nýjunga í þessu blaði eru Botnahornið nýja, styttra Matarhlé, öðruvísi myndagetraun og breyttar áherslur í kynningu á einstaka starfsmönnum.