Yfirlit frétta

AkureyrarAkademían auglýsir eftir umsóknum um vinnuaðstöðu til að vinna að þróun nýsköpunar- og frumkvöðlaverkefna í samstarfi við Akureyrarbæ. Vinnuaðstaðan er í húsnæði AkureyrarAkademíunnar, Sunnuhlíð 12, og er án endurgjalds og hugsuð sem styrkur til viðkomandi verkefna.

Í dag var tekin fyrsta skóflustunga að Holtahverfi austan Krossanesbrautar á Akureyri. Í heildina er gert ráð fyrir um 300 íbúðum á svæðinu, en framkvæmdir hefjast nú við fyrri áfanga í gatnagerð og lagnavinnu.

Stefnt er að því að bygging nýrrar Miðgarðakirkju í Grímsey geti hafist næsta vor. Í gær kynntu Arna Björg Bjarnadóttir, verkefnastjóri kirkjubyggingarinnar, og Hjörleifur Stefánsson, arkitekt, teikningar að nýju kirkjunni fyrir Ásthildi Sturludóttur, bæjarstjóra, Höllu Björk Reynisdóttur, forseta bæjarstjórnar, og nokkrum starfsmönnum bæjarins.

Heldur rólegt en afar góðmennt var í Grímsey um hátíðarnar.

Frestur til að sækja um styrki vegna verkefna og viðburða sem tengjast Barnamenningarhátíð á Akureyri 2022 rennur út 16. janúar nk.

Íbúar og aðrir viðskiptavinir Akureyrarbæjar eru hvattir til að nota rafrænar þjónustu- og samskiptaleiðir bæjarins eins og kostur er. Þetta er ekki síst mikilvægt í ljósi vaxandi útbreiðslu Covid-19 og óvissu sem henni fylgir. Áhersla er lögð á að draga úr umferð um skrifstofur bæjarins og standa þannig vörð um mikilvæga þjónustu.

Ásthildur Sturludóttir, bæjarstjóri, óskar lesendum gleðilegrar hátíðar og farsældar á komandi ári með þökk fyrir árið sem er að líða.

Gjaldskylda á bílastæðum í miðbænum verður innleidd um miðjan janúar og tekur að fullu gildi í febrúar.