Grímsey áhugavert | Grímsey

Aldamótarsteinar

Wed, 24 Feb 2021 17:03:00 +0000

Steinarnir sem sýna staðsetingu baugsins á hverri öld frá því að baugurinn kom fyrst inn á Grímsey árið 1717, 1817 og 1917,

Miðgarðakirkja

Wed, 27 Sep 2017 14:47:00 +0000

Miðgarðar er nyrsti kirkjustaður á Íslandi. Jón biskup Ögmundsson vígði kirkju í eyjunni snemma á elleftu öld. Var hún helguð Ólafi, þjóðardýrlingi Norðmanna.

Listaverkið Hringur og kúla

Tue, 26 Sep 2017 15:53:00 +0000

Listaverkið Hringur og kúla / Orbis et Globus / Circle and Sphere er nýtt kennileiti fyrir heimsskautsbauginn eftir Kristinn E. Hrafnsson og Studio Granda sem vígt var árið 2017 eða 300 árum frá því að baugurinn kom fyrst inn á eyjuna.

Brúin og vegvísirinn

Tue, 26 Sep 2017 15:47:00 +0000

Gamla heimskautsbaugstáknið sem staðsett er fyrir norðan gistiheimilið Bása, við flugvöllinn er eitt þekktasta kennileiti eyjarinnar. Táknið var sett upp árið 2003. Hugmyndin var að fólk gæti gengið yfir bauginn á einhverskonar brú.

Vitinn

Tue, 26 Sep 2017 15:44:00 +0000

Vitinn í Grímsey var byggður árið 1937. Hann er staðsettur á suðaustur horni eyjarinnar og er á meðal merkustu byggingum hennar. Í upphafi var honum stjórnað með gaslampa sem þurfti að kveikja og slökkva á með handafli.

Stuðlaberg

Tue, 26 Sep 2017 15:42:00 +0000

Í Grímsey eru margar fallegar stuðlabergsmyndanir. Þær fegurstu má finna á suðvesturhorni eyjarinnar m.a. Emelíuklappir.

Fiske minnismerkið

Tue, 26 Sep 2017 15:25:00 +0000

Fyrir ofan höfnina, fyrir framan veitingastaðinn og búðina má sjá minnismerki um Daniel Willard Fiske sem var mikill velgjörðamaður Grímseyinga. Fiske var ríkur amerískur fræðimaður og skákáhugamaður.

Hólmarnir

Tue, 26 Sep 2017 15:25:00 +0000

Við norðurenda tjarnarinnar sem liggur við leiðina frá þorpinu út á flugvöllinn má sjá tvo höfða við ströndina. Þar segir sagan að fyrstu landnemar Grímseyjar séu heygðir, maður að nafni Grímur, sem sigldi ásamt fjölskyldu sinni frá Sognafirðinum í Noregi til Íslands og settist að í Grímsey.

Heimskautsbaugurinn

Tue, 26 Sep 2017 15:00:00 +0000

Heimskautsbaugurinn sker þvert í gegnum Grímsey frá vestri til austurs um norðurhluta hennar.

Björgin

Tue, 26 Sep 2017 14:49:00 +0000

Á fyrri tímum voru björgin mikilvæg matarbúr og átti hver bær sitt bjargsvæði þar sem tínd voru egg og fuglar veiddir. Kiwanisfélag eyjarinnar hefur séð til þess að björgin séu merkt sínum fornu nöfnum sem oft tengjast nafni bæjarins sem átti viðkomandi bjarghluta.

Samstarfsverk

Tue, 26 Sep 2017 14:25:00 +0000

Sumarið 2010 hélt listamaðurinn Georg Hollander námskeið með börnum í Grímsey þar sem unnið var með efni úr fjörum eyjarinnar og búin til ýmiskonar listaverk. Sjá má listaverkin víða um eyjuna. Þau voru alls 6 en hafa smátt og smátt týnt tölunni enda flest úr nátttúrulegum efnivið með misgóða endingu.

Vindmyllan

Tue, 26 Sep 2017 14:05:00 +0000

Árið 1982 lét Raunvísindastofnun Háskólans setja upp vindmyllu í Grímsey.